> ## Content Index
> Fetch the complete content index at: https://politik.mn/llms.txt
> Use this file to discover other available public pages before exploring further.

# Нийслэлийн татвар 1 хувь болж буурна: ресторан, зочид буудал, авто засварын үйлчилгээнд
- URL: https://politik.mn/niisleliin-tatvar-1-khuv-bolzh-buurna-restoran-zochid-buudal-avto-zasvaryn-uilchilgeend/
- Published: 2026-11-15T10:15:13.000Z
- Updated: 2026-11-15T10:15:13.000Z
- Description: 2027 оны 1 сарын 1-нээс үйлчилгээний зургаан төрлийн нийслэлийн татвар хоёр дахин буурна. Архи, тамхины татвар хэвээр.
- Author: politik mn
- Tags: Нийгэм

Нийслэлийн иргэдийн Төлөөлөгчдийн Хурал ээлжит есдүгээр хуралдаанаараа нийслэлийн албан татварын хувь хэмжээг 2 хувиас 1 хувь болгон бууруулах тогтоол баталлаа. Саналыг Нийслэлийн Засаг дарга, Улаанбаатар хотын захирагч Б.Пүрэвдагва оруулсан.

## Юунд хамаарах вэ

Одоо нийслэл хоёр төрлийн бараа, зургаан төрлийн үйлчилгээнд 2 хувийн татвар ногдуулдаг. 2027 оны 1 сарын 1-нээс дараах үйлчилгээний татвар 50 хувиар буюу 1 хувь болж буурна:

- баар
- ресторан
- зочид буудал
- амралтын газар
- авто угаалга
- автомашины засвар, үйлчилгээ

Харин бүх төрлийн тамхи, тамхин бүтээгдэхүүн, согтууруулах ундааны 2 хувийн татвар өөрчлөгдөхгүй. Хотын дарга эдгээр бүтээгдэхүүний татварыг дотоодын үйлдвэрлэл, нэмүү өртгийг харгалзан дахин авч үзнэ гэжээ.

## Зорилго

Хүндрэлтэй эдийн засгийн нөхцөлд нийслэлд үйл ажиллагаа явуулж буй бизнесийн татварын дарамтыг бууруулж, хувийн хэвшлийг дэмжих, бизнесийн орчныг сайжруулах, иргэдийн татварын ачааллыг хөнгөлөх зорилготой аж. Энэ шийдвэр 10 сард 13.4 хувьд хүрсэн инфляц, мөн 2027 оны улсын төсөвт тусгагдсан бизнесийн татварын хөнгөлөлттэй зэрэгцэн гарч байна.

*Эх сурвалж:* [*МОНЦАМЭ*](https://montsame.mn/en/read/415175?ref=politik.mn)*,* [*МОНЦАМЭ*](https://montsame.mn/en/read/415372?ref=politik.mn)