Миссисипи гол дээр танкер хөлөг аялалын усан онгоцыг мөргөв: 200 орчим хүнийг бүгдийг нь аварлаа
Нью-Орлеанд болсон ослоор аялалын хөлөг хажуу тийшээ хөмрөн живсэн ч хүний амь эрсдээгүй нь «гайхамшиг» гэж нэрлэгдэв.
АНУ-ын Луизиана мужийн Нью-Орлеан боомтын ойролцоо Миссисипи гол дээр 11 сарын 13-ны үд дунд Atlantic Asphalt хэмээх танкер хөлөг удирдлагаа алдаж, зогсоолд байсан American Heritage аялалын усан онгоцыг мөргөлөө.
Юу болов
Мөргөлдөөний дараа 2015 онд баригдсан, American Cruise Lines компанийн эзэмшлийн хүрдэт усан онгоц хажуу тийшээ хөмөрч, ихэнх хэсэг нь усанд живсэн. Онгоцонд 200 орчим хүн байсан бөгөөд мөргөлдсөн даруйд зорчигчид онгоцноос бууж эхэлжээ.
Аврах ажиллагааны үр дүнд онгоцонд байсан бүх хүнийг амьд гаргаж чадсан. 30 гаруй хүн гэмтэж эмнэлэгт хүргэгдсэн ч хүний амь эрсдээгүй. Хэвлэлүүд энэ явдлыг «Миссисипи дээрх гайхамшиг» гэж нэрлэжээ.
Шалтгаан
Танкер хөлөг яагаад удирдлагаа алдсан нь одоогоор тодорхойгүй бөгөөд эрх баригчид шалгаж байна.