> ## Content Index
> Fetch the complete content index at: https://politik.mn/llms.txt
> Use this file to discover other available public pages before exploring further.

# Дархан-Уул аймгуудын өрсөлдөх чадварын эрэмбийг анх удаа тэргүүллээ
- URL: https://politik.mn/darkhan-uul-aimguudyn-orsoldokh-chadvaryn-erembiig-ankh-udaa-terguullee/
- Published: 2026-11-19T11:19:59.000Z
- Updated: 2026-11-19T11:19:59.000Z
- Description: Дорноговь хоёр, Орхон гуравт орж, Төв, Хэнтий хамгийн их ухарчээ.
- Author: politik mn
- Tags: Нийгэм

Эдийн засгийн бодлого, өрсөлдөх чадварын судалгааны төвийн 2026 оны аймгуудын өрсөлдөх чадварын тайланд Дархан-Уул аймаг анх удаа тэргүүн байрт шалгарлаа.

## Хэрхэн тооцдог вэ

Тайланд 21 аймгийг эдийн засгийн гүйцэтгэл, засгийн газрын үр ашиг, бизнесийн үр ашиг, дэд бүтэц гэсэн дөрвөн үндсэн бүлгийн 146 үзүүлэлтээр харьцуулдаг. Албан ёсны статистик болон бүх аймгийн аж ахуйн нэгжүүдийн дунд явуулсан судалгааны мэдээлэлд тулгуурладаг бөгөөд тухайн жилд хамгийн өндөр оноо авсан аймагт 100 оноо өгч, бусдыг түүнтэй харьцуулан тооцдог.

## Шилдэг тав

1. Дархан-Уул — 100 оноо
2. Дорноговь — 96.2
3. Орхон — 92.3
4. Өмнөговь — 79.8
5. Дорнод — 76.5

## Хэн дэвшиж, хэн ухрав

Дархан-Уул 2023 оны гуравдугаар байраас тэргүүлэх болсон бол өмнө нь тэргүүлж байсан Орхон гуравт буужээ. Баянхонгор 16-аас 12, Дундговь 21-ээс 17-д дэвшиж хамгийн их ахиц гаргасан бол Төв 12-оос 18, Хэнтий наймаас 13-д орж хамгийн их ухарчээ.

Дархан-Уул дэд бүтэц, бага, дунд боловсролын хүртээмж, цэцэрлэгийн хамран сургалт, хүнсний аюулгүй байдал, агаарын чанар, зам, ногоон байгууламж, бизнесийн үр ашиг, дундаж цалин, амьдралын чанар, засаглалын үр ашгаараа ахиц гаргасан байна. Бүлгээр нь авч үзвэл эдийн засгийн гүйцэтгэлээр Өмнөговь, засгийн газрын үр ашгаар Дорноговь тэргүүлжээ.

Харин 21 аймгийн бизнес эрхлэгчид бизнесийн орчин, төрийн засаглал, ажил эрхлэлт, амьжиргааны нөхцөлийг нийтлэг тулгамдсан асуудал гэж нэрлэсэн байна.

*Эх сурвалж:* [*МОНЦАМЭ*](https://montsame.mn/en/article/TfcLYOS6niaoSAKfM7U8m?ref=politik.mn)