ОХУ коронавирусийн бүх мутациас хамгаалах вакцин туршиж байна

0
19

Оросын Холбооны Эмнэлгийн болон биологийн агентлаг (ХЭБА-ФМБА) Ковид19 халдварын эсрэг өнөөгийн вакцинуудаас эрс өөр вакцины эмнэл зүйн урьдчилсан туршилт хийгдэж байгаа талаар мэдээллээ. Шинэ вакцин нь эсийн түвшинд дархлаа үүсгэх бөгөөд арван хэдэн жилээр эсийн санамжид дархлааг тогтоох юм. Түүнчлэн шинэ вакцин коронавирусийн бүхий л мутациас хамгаалах ажээ.

Агентлагийн орлогч дарга Татьяна Яковлева “Энэ вакцин нь  бусдаас огт өөр, бидний хүлээлт болсон эм. Өнөөдрийн вакцинууд зургаан сараас хэтрэхгүй буюу уургийн гумораль дархлалыг үүсгэдэг. Гэтэл SARS-2 нь мутацид орон шинэ уургуудыг бий болгодог. Бидний бүтээж буй вакцин нь эсийн дархлааг буюу консерватив уурагт чиглүүлэгдсэн.  Вирусийн ямар ч мутаци гарсан энэ вакцин биднийг ковидоос хамгаална” хэмээн ярьжээ.

Агентлаг одоогоор вакциныхаа үр дүнг ил гаргаагүй, бүр нэр өгөөгүй байгаа ч тсайн чанартай болно гэдэгт итгэлтэй байна. Клиникийн эм зүйн туршилт ирэх долоодугаар сард эхэлнэ.

LEAVE A REPLY

Please enter your comment!
Please enter your name here